የሴቶችን ፖለቲካዊ፣ ኢኮኖሚያዊና ማህበራዊ ተሳትፎና ተጠቃሚነት ትርጉም ባለው መልኩ ማረጋገጥ አንዳሚገባ ትግልጽ።"

"የሴቶችን ፖለቲካዊ፣ ኢኮኖሚያዊና ማህበራዊ ተሳትፎና ተጠቃሚነት ትርጉም ባለው መልኩ ማረጋገጥ ይገባል።"

‎ወ/ሮ ሁክሚያ መሀመድ

‎የብልፅግና ፓርቲ ድሬዳዋ ቅርንጫፍ የሴቶች ክንፍ ሀላፊ

‎

‎#DIREPROSPERITY | ሰኔ 26/2018

‎የብልፅግና ፓርቲ ድሬዳዋ ቅርንጫፍ ሴቶች ክንፍ ፅ/ቤት የ2018 እቅድ አፈፃፀም፣ የ2019 እቅድ እንዲሁም የክረምት በጎ ፈቃድ ማቀጣጠያ መድረክ አካሄደ።

‎

‎ብልፅግና ፓርቲ የሀገራችንን ሴቶች ፖለቲካዊ፣ ኢኮኖሚያዊና ማህበራዊ ተሳትፎና ተጠቃሚነት ትርጉም ባለው መልኩ ለማረጋገጥ በትኩረት በመስራት ላይ መሆኑን የብልፅግና ፓርቲ ድሬዳዋ ቅርንጫፍ ሴቶች ክንፍ ፅ/ቤት ሀላፊ ወ/ሮ ሁክሚያ መሀመድ ሲሉ መድረኩን በይፋ በከፈቱበት ወቅት ተናግረዋል።

‎

‎የሴቶች ንፅህና መጠበቂያን በመደገፍ በትምህርት ቤት የሚገኙ ሴት ተማሪዎች ሲገጥማቸው የነበሩ ችግሮችን በመቅረፍ በትምህርታቸው ውጤታማ ማድረግ ይገባል ያሉት ሀላፊዋ ወ/ሮ ሁክሚያ መሀመድ በቀጣይ በክረምት በጎ ፈቃድ አገልግሎት በአስተዳደሩ ከተማና ገጠር የሚገኙ የኢኮኖሚ አቅማቸው አነስተኛ ለሆኑ ሴት ተማሪዎች ድጋፍ ይደረጋል ብለዋል።

‎

‎በ2018 በጀት ዓመት በሴክተር፣ ወረዳና ክላስተር የሚገኙ የብልፅግና ፓርቲ ድሬዳዋ ሴቶች ክንፍ አደረጃጀቶችን በዋናነት የህብረትና የቤተሰብ አባላቶችን የማጥራት ስራ መሰራቱን የብልፅግና ፓርቲ ድሬዳዋ ሴቶች ክንፍ ፅ/ቤት የአደረጃጀት ዘርፍ ሀላፊ ወ/ሮ አይናለም መንገሻ በመድረክ ባቀረቡት የፅ/ቤታቸው ሪፖርት ጠቁመው አባላትን በአዲስ መልኩ የመመልመል ስራም በትኩረት መሰራቱን አክለው ገልፀዋል።

‎

‎7ኛው ሀገራዊ ምርጫ በአስተዳደር ደረጃ ዴሞክራሲያዊና ሰላማዊ በሆነ መልኩ በፓርቲያችን አሸናፊነት እንዲጠናቀቅ የሴቶች ክንፍ አመራሮችና አባላት የአንበሳውን ድርሻ መወጣት የቻሉበት ውጤታማ ስራ መሰራቱን ወ/ሮ አይናለም መንገሻ ተናግረዋል።

‎

‎ሴቶችን በኢኮኖሚ ተጠቃሚ ከማድረግ አንፃር እንዲሁም በስራ እድል ፈጠራ ከሚመለከታቸው ሴክተር ተቋማት ጋር በመቀናጀት ውጤታማ ስራ መስራት ተችሏል።

‎

‎ሴቶች በትምህርትና በጤና ማህበራዊ ዘርፍ አገልግሎቶች በተለይም በጤና መድህን ዋስትና ተጠቃሚ በማድረግ የሴቶችን ኑሮ ማሻሻል መቻሉም ተገልጿል።

‎

‎በመድረኩ ላይ የአስተዳደሩ ሴክተር ተቋማት፣ የከተማ ወረዳና የገጠር ክላስተሮች የ2018 እቅድ አፈፃፀም በዝርዝር አቅርበዋል።

‎

‎የአባላት ገቢ አሰባሰብ፣ የፋይዳ ዲጂታል መታወቂያ፣ አምስት ሚሊየን ኮደርስ፣ የአቅም ግንባታ ስልጠና፣ ምሁራንን መሰረት ያደረገ አዳዲስ ወጣት ሴት አባላቶችን መመልመል እና ሌሎች መሰል ስራዎች በበጀት ዓመቱ የተከናወኑ አበይት ተግባራት ናቸው።

‎

‎በመጨረሻም የብልፅግና ፓርቲ ድሬዳዋ ቅርንጫፍ ሴቶች ክንፍ ፅ/ቤት የክረምት በጎ ፈቃድ አገልግሎት እቅድ የቀረበ ሲሆን ተሳታፊዎችም በመድረክ በቀረበው የ2018 አፈፃፀምና የክረምት ወራት የበጎ ፈቃድ አገልግሎት እቅድ ላይ ሀሳብና አስተያየት ሰጥተው ከመድረክ አወያየዮች ተገቢው ምላሽ ተሰጥቶበት የዕለቱ መድረክ ተጠናቋል።